مش كداب
أنا مش بكدب عليك أنا بكدب عليا
صدقت نظرة عنيك وقلت دي حنية
وعشت في وهم مالوش آخر
ونسيت إن الحنان ممكن يكون أسية
وفضلت عايش في الوهم وأقول ياسلام
وأكدب على قلبى وأقوله كلام في كلام
وقلبي صدق كلامي وسلم أمره
وكأني جاهل غرام ولسة محتاج علام
بس ياريت يا حب عمري تفكر شوية
إن فيه قلب أشواقه ليك لسه هي هي
أيوة قلب إنت كل حياته
قلب مش محتاج منك غير حنية
حبني وجرب هتشوف كمان حناني
حبني وقرب أنا لسة هنا في مكاني
هتحس باللي أنا حسيته
لو مش علشانك يبقى بس علشاني
جمال رمضان
ليست هناك تعليقات:
إرسال تعليق