الكورونا إنذار
الكورونا إنذار بجد ومش هزار
كله بأمر الله زي الجنة والنار
الكل يراجع نفسه وبنفسه
قبل ما يتهد علينا كلنا الدار
فيه ناس كتير من الفقر بتعاني
وفيه ناس رقص وطبل وأغاني
وناس فى النص مش طايلة
وناس لسة بتظلم تاني وتاني
ناس مش لاقيا عيش حاف
وناس هدومها هي لحاف
وناس بتغضب ربنا
وفاكرة نفسها ما بتخاف
ناس مش عارفة طريقها فين
وناس عايشة بين البينين
وناس في النص بقت تايهة
وناس تغسل وشها بدع العين
ناس عايشة تلم فلوس
وناس على ناس بتدوس
وناس لا حول ولا قوة
بينخر فيها حتى السوس
جمال رمضان
ليست هناك تعليقات:
إرسال تعليق