الخيانة
إنتى كنتى أحلامى وسنينى
بس الكلام ده كان زمان
لكن بعد ما خونتينى
مالكيش فى قلبى أى مكان
كنتى بتقولى كلام فى كلام
وكنت بستنى منك السلام
كنت بصدق كل حاجة
ما هو كان فى إيدك اللجام
بقعد كتير مع نفسى وأفكر
ودمى يفور ويغلى ويتعكر
وأقول لنفسى أنا السبب
كان غدر جايلى ومتنكر
وساعات جرحى بيسمعنى
والشوق والقلب بيوجعنى
هو أنا إيه مش إنسان
والا خلاص زمانى ودعنى
ظلمت قلبى وروحى كمان
عمر وضاع كأنه ما كان
بس الخيانة مش بالساهل
تحس انك مالكش مكان
جمال رمضان
ليست هناك تعليقات:
إرسال تعليق