سجين بلا قضان
أنا الغرقان في همومي
وحيد في الدنيا من يومي
أنا العريان من دونِك
وانتِ ستري وهدومي
انا العريان من دونِك
وانتِ ستري وغطايا
وهمِك شايله على ظهري
ياساكنة في قلبي.... جوايا
ده عهد كتبته على نفسي
ملوش آخر ولا نهاية
دنا في حبك المفتون
وأنا من غيرك المجنون
وانا الفارغ من المضمون
و من غيرِك أنا نقطة
ع آخر السطر في رواية
أنا ورقة زاحِتها الريح
ع جنب المينا... حَدَفِتها
كانت في يوم
صفحة مهمة في حكاية
انا مهاجر انا راحل
وبقيت لعيونك مسافر
ومن غيرك انا الخاسر
لا قدامي ولا ورايا
انا حاجة رماها الموج
بعد نهاية الطوفان
وبقيت وحداني مش
حاسس بأي امان
وانا المسجون بلا قضبان
ولا ليَ في اي مكان ...أي مكان
ولا يعرفني اي زمان
كتبت رسالتي ع الرملة
انا ابقى مين وجاي منين
ورايح على فين ؟
ولا اعرف اسم ولاعنوان
امانه عليكوا حد يقولي
انا ابقى مين....!!!
انا إنسان؟
ولاحاجة غريبة منسية
بقالها زمان
شكلها يشبه الإنسان
بقلمي
إنعام قطناني
ليست هناك تعليقات:
إرسال تعليق