رؤية تضمنا- الشاعر محمد زايد

أرجوك خليك في البيت
...... رؤية تضمنا

رؤية تضم القلب الطيب
كف الحب وسحرك غاب

لما الضل يزف الشمس
من غير زقه أوبالمس

عرق الضل خفيف علي الروح
زي سواقي الضل تفوح

كف الدرب في أرض القمح
كل بلادنا تعبر فرح،،،

لولا الشمس في ضل الأرض
مكان انسان علي وجه الأرض

ولابنيه في قلب الجزع،
ولاحنيه في قلب الضرع

هجمة برد تشد الفجر،
ترمي الفجر في حجر الولد

قرص الشمس في طمي النيل
طفل جميل ومعاه الجيل،،

لساه بكره يصب الضي،
فاتت أمي ف ناصية حاره

بنت الحي ورمش كحيل،
جايبه الشمس في عز الليل

تقرا الكف في وقت قليل
جايه تشيل الحلم معانا،

تقرا لكل معني دليل،،
تسقي سمانا من أسامينا

تسقي دروب الحب عطانا
تزرع حب في قصر النيل

تملا كف سمانا عليل
تمسك كف الشمس بأيدها

تنور ليلنا بالقناديل
تزرع عشق في أرض النيل

اوعه كورونا في ارض النيل
خليك في البيت فيروسنا مميت

محمد زايد