يا صاحبى
جاى عامل نفسك مش فاكرنى أنا أبقه مين
أنا كنت صاحبك فى المدرسة طول السنين
كنت عاوزك أشتغل معاك أو يعنى عندك
أصل الدنيا تعبانى وبقيت أنا من الفاشلين
فاكر كان فصلك فصلى ومدرستك مدرستى
وكنت بتغش فى الامتحانات من كراستى
وكنت حنين أوى عليك ياصاحبى
دلوقتى نسيتنى والجدعنة قطمت وسطى
دلوقتى خلاص ياصاحبى بقيت فوق
شغلنى معاك ياصاحبى وخلى عندك ذوق
وإفتكر إن أنا كنت صاحبك فى يوم
والا أنا بقيت الضلمة وإنت بقيت الضوء
الزمن كسرنى وخلانى أحتاجك يا صاحبى
وكأنى بقيت عاجز زى الطفل اللى بيحبى
أنا اللى مجهودى وجدعتنى ضيعونى
ياريتنى ما كنت جدع وكنت بقيت مستغبى
جمال رمضان
ليست هناك تعليقات:
إرسال تعليق